Schon onsre Aldn ham geschriem,
daß mir Apoldschen Däfdches liem;
gerade schdeds em Härbsd bardu
geheerd Worschdsubbe ooch drzu.

Wänn de Schweinchn großgewordn,
hebd e großes Massnmorden
hier em ganzn Lande an,
wasmer Schlachdfäsd nenne gann.

Dr Fleescher brauchd als wichdcher Jonge
außer dn Händn ooch de Zonge,
schmäggd jede Masse härzhafd ab
onn es `n ganzn Daach off Drab.

De Wärschde, die gegochd wärn missn,
wärn en dn Gässel neingeschmissn,
wonachmr - senn se "dorch" onn gud -
se aus dr Briehe nähme dud.

An die gomm Fadnnudln dran,
ooch Majoran onn Blutworschd gann
rächd reichlech en dr Subbe sei:
die schmäggd on machd ooch sadd drbei!

Heinz Dannewald, Apolda